Одам савдоси жоҳилликдир

{$article.title|escape:html}
3236

Инсон қадри азиз, шаъни, ор-номуси дахлсиздир. Динимиз инсон қадрини эъзозлайди, кишиларни хўрлашдан, қул қилишдан қатъий қайтаради. Динимизга кўра, ирқи, насаби, миллати, бойлиги, мансаби ва жамиятдаги ўрнидан қатъий назар, барча инсонлар тенг ва ҳурдир. Илк даврларданоқ Ислом дини қулчиликни, одам савдосини қаттиқ қоралаган. Қул озод қилишни фазилат сифатида ибодат даражасига кўтаради. Аллоҳ таолонинг амри мусулмонлар йўл қўйган турли хато, камчилик ва гуноҳлар эвазига бир ёки ундан кўп қул озод этиш вазифаси жорий этилди.

         Минг афсуски, хозирги кунимизда озгина мол-дунёга берилиб, ўз юртдошларини, маҳалладошларини алдаб, сотиб юбораётган инсонлар ҳақида эшитяпмиз. Бу ҳам айни жоҳилликдир.

         Бундай кимсаларнинг нопок қилмишлари боис ўзга юртларда азоб чекаётганлар оз эмас.

         Қаерда бўлмайлик, одам савдоси соғлом жамиятга жиддий хавф солиши, халқимиз, миллатимизга ёт, динимизга зид иш эканини ҳаётий мисоллар ва ишончли далиллар асосида кишилар онгига сингдиришимиз зарур. Зора қабиҳ ишларни қилаётган кимсалар бу жирканчликдан қўлларини тортиб, Аллоҳ таолога чин тавба-тазарру қилишса. Очиқ кўнгил юртдошларимизга, катта ҳаёт остонасида турган ёшларга эса “Қадрингизни билинг, илм ва ҳунар ўрганинг”, деймиз. Ҳақиқатни билган, қалби уйғоқ киши нафсини жиловлай олади. Ризқ Аллоҳдан эканига имон келтириб, ёмонларнинг ваъдасига алданмайди.

         Одам савдоси – давр муаммоси. Уни таг-томири билан йўқ қилишга қодирмиз. “Менга нима”, қабилида иш кўрмай қизини хорижга жўнаётганларни бў йўлдан қайтарсак, ўзга юртларга отланган маҳалладошларимизни ўйлашга чорласак, ватандошларини ўзгаларга қул қилиб сотаётган кишиларнинг виждонини уйғотсак, бу муаммо аста-секинлик билан бўлса-да, якун топади.

Аъзам ШАРАПОВ

Мингбулоқ тумани “Гулбоғ” жоме

масжиди имом-хатиби 

Мавзуга оид

img

Муқаддас ой саодати

1981

Истиқлолимизнинг шарофати туфайли эл-юртимиз узра ҳуррият ва файзу баракот таралди. 

img

Рамазон – саховат ва меҳр – оқибат ойи

1917

Бу ёруғ оламга ойларнинг султони хайри-баракотли меҳр-мурувват, саховат, сабр-қаноат, жисмоний ва маънавий покланиш ойи Муборак Рамазон ташриф буюрди.

img

Закот – молиявий ибодат

1712

Маълумки, Рамазон ойида Аллоҳ таоло бандаларига ўз раҳмати ва баракотини кўплаб нозил қилади. Шундай экан ўз навбатида инсонлар ҳам бу кунларни ғанимат билиб, кўпроқ ибодат ва эзгу амалларни адо этишга ҳаракат қилиши лозим

img

ҲАЙИТ ХУРСАНДЧИЛИК КУНИДИР

1835

Рамазон ва Қурбон ҳайитини халқимиз хурсандчилик ва шодиёналар билан кутиб олади. Айём баҳона яқинлар, қариндошлар, ошна-оғайнилар дийдорлашишади. Ҳар бир оилада байрамни хурсандчилик билан кутиш, ширинликлар пишириш, ўша пишириқлардан қўни-қўшниларга улашиш каби одатларимиз байрамга яна ҳам жило беради. 

Tags: asdasdsad