Наманган вилояти вакиллигидан Сирдарёга "Саховат ва кўмак" карвони юборилди

“Сирдарёликларга кўмак” акцияси доирасида Ўзбекистон мусулмонлари идораси Наманган вилояти вакиллиги томонидан “Сардоба” сув омбори тўғони бузилиши оқибатида келиб чиққан табиий офатдан жабр кўрган сирдарёликларга озиқ-овқат ва кийим кечак ёрдамлари жўнатилди.

“Сирдарёликларга кўмак” акцияси доирасида вилоятдаги барча жомеъ масжидлари томонидан ҳомийларни жалб этган ҳолда ташкил этилган "Саховат ва кўмак" карвони 7 та ISUZU юк машинасида Сирдарё томон йўлга чиқди.

Юборилган 310 қутидан иборат мазкур ёрдам таркибида озиқ-овқат маҳсулотлари – ун, гурунч, ўсимлик ёғи, тухум, макарон, ҳолва ва қишлоқ хўжалик маҳсулотлари, шунингдек, кийим-кечак ва уй-рўзғор буюмлари, дори-дармон ва бошқа кундалик эҳтиёжлар учун зарур бўлган маҳсулотлар ўрин олган.

Ўзбекистон мусулмонлари идорасининг
Наманган вилоят вакиллиги
Матбуот хизмати