БИЗ СИЗ БИЛАН

Аввал хабар қилганимиздек, Ўзбекистон мусулмонлари идораси томонидан Ўзбекистон Республикаси Президентининг “Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида”ги Фармони ижросини таъминлаш мақсадида имконияти (эшитиш ва гапириш қобилияти) чекланганлар билан маърифий суҳбат ташкил этиш белгиланган эди.

Шу муносабат билан, бугун – 17 февраль куни Ўзбекистон мусулмонлари идорасининг Наманган вилоят вакиллиги томонидан Наманган шаҳридаги “Абу Юсуф” жоме масжидида вилоятдаги 150 нафар  имконияти чекланганлар билан маърифий суҳбат ўтказилди.

 

Тадбирда вилоят бош имом-хатибининг ўринбосари ва вакиллик мутахассислари иштирок этиб, йиғилганларга ислом арконлари, қирқ фарз, оилада эрнинг масъулияти, миссионерлик ва прозелитизм тушунчалари ҳақида тўхталиб ўтдилар.

Маърифий суҳбат сўнгида иштирокчилар кўрсатилаётган эътибор учун давлатимиз раҳбарига ўз миннатдорчиликларини билдирдилар.

Диний-маърифий тадбир хайрли дуолар, эзгу истаклар, иштирокчиларнинг қалбидаги қувонч ва юзларидаги табассум билан ўз якунига етди.

 

Ўзбекистон мусулмонлари идорасининг

Наманган вилоят вкиллиги

матбуот хизмати