Ислом дини фитна-фасодга қарши курашиб, ошкора ва хуфёна фитналардан ҳам қайтаради ва ҳамда қоралайди.

Аллоҳ табарак ватаъало ўзининг каломидаги “Аъроф” сурасининг 56-оятида:

“Ерни (Аллоҳ хайрли ишларга) яроқлик қилиб қўйгандан кейин (унда) бузғунчилик қилмангиз!”-деб амр этади.

Муфассир уламолар ушбу оят тафсирида “АРЗ”, яъни “ЕР” сўзи араб қоидаларига кўра, АЛИФ-ЛОМ билан келгани учун муайян бир жойга-яъни, шахсан Мадина шаҳрига далолат қилади дейишади. “Мадина шаҳри ислоҳ қилингандан кейин у ерда фасод ишларни қилманг!”-дегани бўлади.

Мадина ер юзидаги кичкина бир шаҳар. Манашу ерда фасод иш қилмаслик буюрилаяпти. Мадомики, кичкина шаҳарда фасодга чек қўйилмас экан, ҳудди кичкина учқун бутун бошлик ўрмонни кулини кўкка совиргани каби, фасод ишлар-экатремизм ва терроризм ҳам бутун ер юзини вайрон қилиб юборади.

Ҳозирги кунда айрим давлатларда ғулувга кетган, қўли қонга ботган бир қанча экстремистик гуруҳлар фаолият олиб бораётгани ҳеч кимга сир эмас. Ғарб мамлакатларининг айрим оммавий ахборт воситалари ушбу эстремистик гуруҳларнинг қўпорувчилик ҳаракатларини Ислом дини билан боғлашга уринишмоқда.

Ваҳолангки, Ислом дини экстремиз ва терроризмни қаттиқ қоралайди. Улар билишмайдики динимиз экстремиз ва терроризмга қарши курашни сал кам ўн беш аср аввал бошлаган. Ислом динининг мўътадил дин эканлигини ўзиёқ ҳар қандай экстремиз ва хунрезликка қарши эканлигини яққол исботидир.

Турли экстремистик оқимлар таъсирига тушиб қолган айрим кимсаларнинг гумроҳликлари шундаки, улар фақат ўзларига ўхшаган адашган кимсаларнинг гапларига ишонишади. Самимий насиҳат қилиб, уларни бу йўлларидан қайтаришга харакат қилган олимлар у ёқда турсин, хаттойинки айримлари ота-онаси ва ака-укаларини ҳам тан олишмайди.

Ибни Аббос розияллоҳу анҳумо муаззам Каъба деворига суяниб: “Эй Каъба! Сени Аллоҳнинг ҳузурида хурматинг баланд. Лекин агар сени етти бор бузиб юборсам ҳам бир мусулмонга озор берганчалик гуноҳкор бўлмайман”-деган эканлар.

Энди ўйлаб кўринг шу кунга қадар турли экстремистик ва террористик гуруҳлар қанча-қанча Ислом қайтарган вайронагарчилик, хунрезлилик ва ҳамда қотиллик ишларни амалга оширди.

АҚШ давлат департаментининг маълумотига кўра, ҳар йили дунё бўйича 650 дан ортиқ бундай ишлар амалга оширилмоқда. Бу дунёни у ёки бу бурчагида кунига иккита қўпорувчилик иши амалга оширилмоқда деганидир. 

Яхшиямки биз Исломни дин деб, Ислом таълимотлари билан йўғирилган миллатмиз. Ва яна шукурки бағри кенг, кечиримлик миллатмиз. Мамлакатимизда нишонланадиган байрам кунлари муносабати билан адашиб турлик оқимлар таъсирига тушиб қолган, озодликдан маҳрум этилган, айни пайтда қилган ишидан ҳақиқий пушаймон бўлиб, бутунлай тузалиш йўлига ўтиб, авф сўраган фуқароларни муҳтарам Президентимиз томонларидан авф этилмоқда.

Сўзимизни исботи, турлик байрам деб тан олинган миллий-диний, ижтимоий байрамлар муносабати билан ҳар эътиборлик байрамларда ҳам анашундай тузалиш йўлини танлаган, қанчадан-қанча фуқароларимиз авф этилиб, ота-она, оила аъзолар ва дўсту яқинлари бағрига  қайтишмоқда. Ахир бу ҳам исломни, ислом кишисини иш эмасми?

Хулоса қилиб айтадиган бўлсак, биз бугунги кунда ёшларимизни онгу-шуъурини  ҳар қандай зарарли мафкуралар ва ёт ғоялардан ҳимоя қила олсак, одамларимизга бугунги тинч ва осуда ҳаётимизни қадрига ета олишни ўргата олсак, дунёнинг айрим минтақаларида кузатилаётган урушлар, қонли тўқнашувлар, вайронагарчиликлар, дин ниқоби остида содир этилаётган вахшиёна ҳаракатлардан огоҳлантира олсак, мусаффо динимизни, жонажон юртимизни, азиз юртдошларимизни турли бузғунчи кучлар адоватидан сақлаган бўламиз. Иншааллоҳ.

Комилжон ОТАМИРЗАЕВ,
Уйчи тумани “ДАҲЯК-ОТА” жоме
масжиди имом-хатиби