Уламолар масжид аҳлига маърифий суҳбатлари давом этмоқда
Хабарингиз бор, Муфтий ҳазратлари бошчилигидаги бир қатор уламолар Наманган вилоятига ташриф буюриб, жоме масжидларда илмий суҳбатлар қилинмоқда. Жумладан, Тошкент шаҳар “Собитхон ҳожи” масжиди имом-хатиби Эргаш домла Рустамов Уйчи тумани “Обид қори” жоме масжидида Юртимиздаги ислоҳотлар, ёшларни ёт ғоялардан сақлаш, уларнги тарбиясини яхшилаш ҳақида суҳбат қилиб бердилар
***
Бугун ташрифнинг иккинчи куни Тошкент шаҳар “Камолиддин Ориф ал-Бухорий” масжиди имом-хатиби Закариё домла Хафизуллаев, Тўрақўрғон тумани “Усмон Зуннурайн” жоме масжиди жамоати билан бирга-бирга пешин намозини адо қилгач, масжид аҳлига юртимиздаги ислоҳотлар ва янгиликлар ҳақида ва шу бўлаётган ҳар бир ҳолатга Аллоҳга шукур келтириб яшашлик кераклиги ҳақида қолаверса, илм олишда расмий ва ишончли манбалардан фойдаланишга тарғиб қилиб маъруза қилдилар.
Масжид аҳли ташрифдан мамнун бўлган ҳолатда, юртимиз тинчлиги ва файзини сўраб дуои хайрлар қилинди.
