Чортоқ туманидаги “Ҳазрати ибн Аббос” жоме масжидининг янги биносига тамал тоши қўйилди
Бугун, 18 февраль куни Ўзбекистон мусулмонлари идорасининг Наманган вилоят вакили, вилоят бош имом-хатиби Абдулҳай домла Турсунов Чортоқ туманида жойлашган “Ҳазрати ибн Аббос” жоме масжидининг янги биноси пойдеворига тамал тоши қўйиш маросимида иштирок этдилар. Тадбирда туман сектор раҳбарлари, маҳалла аҳли, нуронийлар, уламолар иштирок этдилар.
Вилоят бош имом-хатибининг ушбу жоме масжидга ташрифи чоғида мутахассислар билан учрашиб қурилаётган бинони мўмин-мусулмонлар учун қулай ва шинам қилиш, хонақоҳларни кенг ва ёруғ бўлиши юзасидан кўрсатмалар берилди.
Ўзбекистон мусулмонлари идораси
Наманган вилоят вакиллиги
Матбуот хизмати
