Ихлос, раҳмат ва саховат ойи қалбларимизни покласин!!
Мурувват, аҳиллик ва ҳамжиҳатликни улуғловчи ушбу фазилатли ойда кам таъминланган, ижтимоий ҳимояга муҳтож кишиларни ҳар томонлама қўллаб-қувватлаш, оила ва маҳаллаларда меҳр-оқибат ва ўзаро ҳурмат муҳитини мустаҳкамлаш борасида изчил ишлар амалга оширилмоқда.
Бу анъана Ўзбекистон мусулмонлари идораси ташаббуси билан ҳудудлардаги барча масжидлар имом-хатиблари бошчилигида давом этмоқда.
Наманган вилоятидаги барча масжидлар имом-хатиблари бошчилигида ҳамкор ташкилотлар, шунингдек, жойлардаги "Инсон" марказининг маҳаллалардаги ижтимоий ходимлари билан биргаликда "Рамазон - меҳр-мурувват, хайру саховат ойи" шиори остида йўқлов тадбирлари амалга оширилди. Унда эҳтиёжманд, ижтимоий ҳимояга мухтож оилаларга озиқ-овқат махсулотлари етказилмоқда.
Диний соҳа ходимлари хонадонларга ташриф буюриб, ифторлик тадбирини ўтказмоқдалар. Йўқлов тадбирлари давомида ифторлик дастурхони устидаги дуоларда юрт тинчлиги ва осоишталигини, халқимизнинг фаровонлигини Аллоҳ таолодан сўраб, дуои-хайрлар қилинмоқда.
Ўзбекистон мусулмонлари идораси
Наманган вилояти вакиллиги
Матбуот хизмати
