Косонсой туманидаги “Корхона” жоме масжидининг янги биносига тамал тоши қўйилди
Бугун, 4 февраль куни Ўзбекистон мусулмонлари идорасининг Наманган вилоят вакили, вилоят бош имом-хатиби Абдулҳай домла Турсунов Косонсой туманида жойлашган “Корхона” жоме масжидининг янги биноси пойдеворига тамал тоши қўйиш маросимида иштирок этдилар. Тадбирда туман сектор раҳбарлари, нуронийлар, уламолар иштирок этдилар.
Вилоят бош имом-хатибининг ушбу жоме масжидга ташрифи чоғида мутахассислар билан учрашиб қурилаётган бинони мўмин-мусулмонлар учун қулай ва шинам қилиш, хонақоҳларни кенг ва ёруғ бўлиши юзасидан кўрсатмалар берилди.
Ўзбекистон мусулмонлари идораси
Наманган вилоят вакиллиги
Матбуот хизмати
