Марғилон шаҳрига ташриф...
Наманган вилоятидаги масжидларда фаолият олиб бораяпган имом-хатиблар 2023 йил 17 июн куни Марғилон шаҳрига Бурҳониддин ал-Марғилоний ва Пур Сиддиқ мажмуалари ва хунармандлар марказига ташриф буюришди. Бош имом-хатиб ўринбосари Обидхон домла Икрамов имом-хатибларга ташрифдан мақсадни таништириб сўзни Марғилон шаҳар хокимининг маънавий-маърифий ишлар бўйича ўринбосари Азизбек Абдуллаевга бердилар. Азизбек Абдукахарович имом домлаларнинг Марғилон шаҳрига ташриф буюрганликлари учун миннатдорчилик билдириб, юртимизда диний ислохотлар ҳақида гапириб берди. Баҳодир домла Шарипов Бурҳониддин Марғилоний хазратларини ҳаётлари ҳақида, Абдуллоҳ домла Саматов Ҳидоя асари ҳақида маълумот бердилар. Ҳидоя асари ёзилган чиллахонада Қуръони карим тиловати қилиниб марҳумларга савоби бахшида қилинди.
Наманган вилояти вакиллиги матбуот хизмати
