НАМАНГАН ВИЛОЯТИДАГИ ДИНИЙ СОҲА ХОДИМЛАР БИЛАН УЧРАШУВ
Давлатобод туманида жойлашган вилоят Маданият марказида вилоятда фаолият юритаётган имом-хатиб ва имом-ноиблар учун йиғилиш бўлиб ўтди.
Йиғилиш давомида вилоятда 2024-йилнинг биринчи чорагида амалга оширилган ишлар ҳамда диний вазиятни соғломлаштириш, мутаассиблик ва радикализмни олдини олиш, имомларнинг шахсий намуна кўрсатиши бўйича вазифа ва топшириқлар белгилаб берилди.
Йиғилишда Дин ишлари бўйича қўмита раиси ўринбосари Маматқулов Дилшод Аманқулович ўз нутқи давомида тараққиётимизнинг янги даврида диний соҳада жуда катта ислоҳотлар амалга оширилаётгани, ўз навбатида имом-хатиблик шарафли ва масъулиятли вазифа экани, маҳаллаларда фуқаролар билан мунтазам ишлашлик ва ёт ғоялар таъсирига берилмаслик, айниқса, ижтимоий тармоқлар имкониятидан оқилона фойдаланиш, унда айрим динни ниқоб қилиб олган кимсалар томонидан тарғиб этилаётган мазҳабсизлик, радикализм ва бошқа экстремистик ғоялардан ўзимизни ва фарзандларимизни ҳимоялаш, оилалар мустаҳкамлигини таъминлаш, бугунги кун имоми замонга зийраклик, теран фикр билан қараши, ўзининг устида мунтазам ишлаши ва мўмин-мусулмонларнинг маънавий-маърифий соҳада эҳтиёжларини қондириш учун доимо изланиб, хизмат қилишларига алоҳида ўрғу берилди.
Дин ишлари бўйича қўмита мутахассиси Қодиров Муқимжон ўз нутқи давомида имом-хатиб ва имом-ноиблар ноқонуний никоҳ ўқимаслик, Ўзбекистон мусулмонлари идораси Фатво маркази томонидан берилаётган жума тезисларини янада чуқурроқ тарзда халққа етказиш бўйича тавсия ва кўрсатмалар берилди.
Учрашув якунида Дин ишлари бўйича қўмита масъул ходими Олимжон Жўраев тўғри йўлдан адашганлар қисматини ўз ҳаётий мисоллари ва ёшларда ёт ғояларга қарши иммунитетини шакиллантиришнинг муҳим жиҳатлари ҳақида таъсирли суҳбат қилиб берди.
Ўзбекистон мусулмонлари идораси Наманган вилояти вакиллиги Матбуот хизмати
