ҚУРБОН ҲАЙИТИГА МУНОСИБ СОВҒА
Бугун, Ўзбекистон мусулмонлари идорасининг Наманган вилоятидаги вакили, вилоят бош имом-хатиби Абдулҳай домла Турсунов Норин туманидаги “Қурбон ота” жоме масжиди янги қурилаётган биносининг фойдаланишга топшириш маросимида қатнашдилар.
Абдулҳай домла Турсунов дастлаб йиғилганларга масжидларимиздаги қулайлик ҳақида гапирар экан, буларнинг барчаси Аллоҳнинг бизга берган улкан неъмати эканини алоҳида қайд этиб, бу кунларга шукроналар айтиш кераклигини таъкидладилар.
Шу билан бирга масжид бунёд этиш улкан ажри савобли амал эканини ҳадислар билан далиллаб, бизларга мана шундай имкониятлар яратиб берган муҳтарам Юртбошимиз ҳақларига дуо қилдилар.
Ўзбекистон мусулмонлари идораси
Наманган вилоят вакиллиги
Матбуот хизмати
