РАМАЗОН ОЙИГА ТАЙЁРГАРЛИК БИЛАН ТАНИШИЛИБ ЧИҚИЛДИ...
Бугун, 4 март куни Ўзбекистон мусулмонлари идораси Наманган вилояти бош имом хатиби Мусохон домла Аббoсиддинов бошчиликларида Учқўрғон тумани жоме масжидларида Рамазон ойига тайёргарлик жараёнлари билан танишилди.
Масжидларда мўмин-мусулмонлар ибодат қилиши учун етарли шарт-шароитларни ҳозирлашга алоҳида эътибор қаратилиб, масжид бинолари техник ҳолатини яхшилаш, хавфсизлик қоидалари ва санитария-гигиена талабларига жавоб беришини таъминлаш бўйича тегишли кўрсатма ва тавсиялар берилди.
Шунингдек Учқўрғон туманида фаолият кўрсатаётган масжидларнинг меъёрий ҳужжатлар билан ишлаши ва молия-хўжалик фаолиятини ўрганиш ишлари олиб борилди, ўрганиш мобайнида аниқланган камчиликларни бартараф этиш бўйича керакли кўрсатмалар берилди.
Ўзбекистон мусулмонлари идораси
Наманган вилояти вакиллиги
Матбуот хизмати
