Тўрақўрғон туманидаги Хўжа Калон Абдулмоний жоме масжидининг янги биносига тамал тоши қўйилди
Бугун, 2 март куни Ўзбекистон мусулмонлари идорасининг Наманган вилоят вакили, вилоят бош имом-хатиби Абдулҳай домла Турсунов Тўрақўрғон туманида жойлашган “Хўжа Калон Абдулмоний” жоме масжидининг янги биноси пойдеворига тамал тоши қўйиш маросимида иштирок этдилар. Тадбирда маҳалла аҳли, нуронийлар, уламолар иштирок этдилар.
Вилоят бош имом-хатибининг ушбу жоме масжидга ташрифи чоғида мутахассислар билан учрашиб қурилаётган бинони мўмин-мусулмонлар учун қулай ва шинам қилиш, хонақоҳларни кенг ва ёруғ бўлиши юзасидан кўрсатмалар берилди.
Ўзбекистон мусулмонлари идораси
Наманган вилоят вакиллиги
Матбуот хизмати
