Ўзбекистон мусулмонлари идорасининг Наманган вилоят вакиллиги, Дин ишлари бўйича қўмита вилоят бошқармаси, вилоят фавқулотда вазиятлар бошқармаси ва мутасадди ташкилотлар билан ҳамкорликда Наманган шаҳар ва туманлар марказий масжидларида Рамазонга тайёргарлик юзасидан семинарлар ташкил этилди.
Унда юқоридаги ҳамкор ташкилотлар вакиллари, бош имом-хатиблар, масжидлар имом-хатиблари, имом-ноиблари ва мутаваллилар иштирок этдилар.
Семинарда фавқулотда ҳолатлар юзага келганда фуқароларни эвакуация қилиш, ўт ўчириш анжомларини ишлатиш тартиб-қоидалари, масжидга келишдаги тирбандликларни олдини олиш ва намозхонлар учун қулай шароит яратиш борасида тавсиялар берилди.
Шунингдек, масжидларда ўнатилган кузатув камераларининг ҳолати ҳам яна бир бор кўздан кечирилди. Рамазон ойи бошлангунга қадар масжидларда ободончилик ишлари, рамазонга тайёргарлик бўйича жузъий камчиликларни бартараф этишга келишиб олинди.

Ўзбекистон мусулмонлари идораси
Наманган вилоят вакиллиги
Матбуот хизмати