Инсон узига хос яратилишга эга бўлган борлиқдир. Аллоҳ таоло унга ҳам акл, ҳам нафс истакларини берган. Нафси ақлидан устун келганда инсон билиб-билмай хатоларга йўл қўяди, гуноҳ  ишларга қўл уради. Ислом динида шу ҳолатга қандай қаралади, у қандай муолажа қилинади! Гуноҳкор бандага раҳмат эшиклари бутунлай ёпиладими ёки унда яни Аллох таолонинг марҳаматига эришиш имконияти борми?!

 Ислом дининг асосий қоидаларидан бири - модомики банда тирик экан, унга тавба эшиклари ёпилмаслигидир. Аллоҳ таоло тавба қилувчи бандаларини яхши кўришини баён қилиб, шундай дейди:

яъни: "...Албатта, Аллоҳ (шунгача билмай йўл қуйган хатоларидан) чин тавба қилувчиларни ва обдон покланиб юрувчиларни севади" (Бақара сураси, 222-оят).

Сарвари Олам, барча пайғамбарларнинг афзали бўлган Пайғамбаримиз Муҳаммад Мустафо саллоллоху алайхи васаллам ўтган ва келажак гуноҳлари кечирилган бўлишига қарамасдан, ҳар куни тавба қилар эдилар.

 яъни: "Эй, инсонлар! Аллоҳга тавба қилинглар! Унга истигфор айтинглар! Зеро мен бир кунда юз марта тавба қиламан" (Имом Бухорий ривояти).

Расулуллоҳ саллоллоҳу алайҳи васалламнинг гуноҳлари кечирилган

бўлишига қарамасдан, Аллоҳга тавба қилишлари - биз каби гуноҳкор умматлар учун катта бир кўрсатмадир.

 Пайғамбаримиз саллаллоху алайхи васалламдан яна қуйидаги ҳадис  ривоят қилинган

 яъни: "Одам болаларининг ҳаммаси -хатокор. Хато килувчиларнинг яхшиси – тавба қилувчилардир" (Имом Термизий ривояти).   

Фурқон сурасида Аллоҳ таоло тавба қилиб, солиҳ амал қилганларнинг ёмонликлари яхшиликларга айлантиришини хабар беради.

 яьни: "Илло, кимки (шу дунёда) тавба қилса ва имон келтириб,яхши амал килса, бас, Аллоҳ ана ўшаларнинг ёмонлик (гуноҳ)ларини яхшилик (савоб)ларга айлантириб қуяр. Аллоҳ мағфиратли ва раҳмли зотдир" (Фурқон сураси, 70-оят).

          Ҳазрати Умар разияллоҳу анҳу "Куп тавба қилувчилар билан ҳамсуҳбат бўлинглар. Чунки улар калби пок, ҳалим кишилар бўлади", - деганлар.

 Али ибн Толиб разияллоҳу анҳу тавба қилувчиларни мақтаб: "Нажот топиб кетган кишининг аҳволини қаранг!", дегандилар. "Нажот нима" - деб сўрашди. У зот "Тавба во истиғфор", - дедилар.

 Аллоҳ таоло барчамизни ҳол-ҳаётида билиб-билмай қилган гуноҳларимизга тез тавба килишимизни насиб айласин! Омин!

Юнусхон Умаров ,
Косонсой туман “Садпири комил” жоме
масжиди имом-хатиби